(M. Rasyad, guru SDN Cenlecen 2, Pakong, Pamekasan,
Madura)
1. LENGGANG KANGKUNG
Lenggang-lenggang kangkung,
gai’ bintang gaggar bulan.
Lenggang-lenggang kangkung,
pagai’na panggangnga ajam.
Kaka’ entar gan sabulan,
pamulena nangga’a bajang.
Kaka’ entar gan sabulan,
pamulena nangga’a bajang.
2. GAI’ BINTANG
Gai’ bintang ale’ gaggar bulan,
pagai’na janur koneng.
Edeng pandeng ale’ sajan jau’
pajauna gan lon-alon.
Leya’ letes kembang kates tocca’ toccer.
Dha’ ka Sampang ale’ ajar jaban,
pabalina ngantor koceng.
Nganggep gampang ale’ lombar badan,
sagulina asor raceng.
Leya’ letes kembang kates tocca’ totcer.
3. SATE MADURA
Bula aneko oreng Madura,
katana Jaba toron Sorbaja,
Ajuwalan sate Madura 2x
Topa’ laban lontong
kecabba nomer settong.
4. PA’JANGGU’
Pa’janggu’ andhi’ ana’ dhuwa’
Settongnga loka nanges bai.
Arapa tako’ kajanggu’na
Ya mara lagguna ecokora.
5. BU’LAELABU’
Bu’-laelabu’ gangan tarnya’
Bu’-laelabu’ juko’ langgung.
Bu’-laelabu’ mon bangal kanna’
Bu’-laelabu’ mon tako’ ondur.
6. PAJJAR LAGGU
Pajjar laggu arena pon nyonara.
Bapa’ tane se tedhung pon jaga’ a
Ngala’
are’ so landhu’ tor capengnga
Ajalannagi
sarat kawajiban
Atatamen
mabannya’ hasel bumena
Mama’mor
nagara ban bangsana.
7.
PINGPILU’
Pingpilu’
Nganggi’
bidhik non-tennonnan
Pingpilu’
Mon amena ja’ atana’
Pingpilu’
Ajja’ kadhik mon-semmonan
Pingpilu’
Mon maenna tar dha’kanna’.
8. OLLE-OLLANG
Olle-ollang, paraona alajara
Olle-ollang, alajara ka Madura
Olle-ollang, mon lajar pon e babbara
Olle-ollang, ngalesser angen sagara
Olle-ollang, pon jau dhari Sorbaja
Olle-ollang, ngajuwer ka temor dhaja
Olle-ollang, ngacernang aeng pon raja
Olle-ollang, ka penggir sereng Rosbaja.
9. TA’ GOYANG TULTUL
Ta’ goyang tultul
Perreng odhi’ gabay jamo
Ta’ goyang tultul
Tasang-sang e kates mereng
Ta’ goyang tultul
Oreng odhi’ bannya’ elmo
Ta’ gampang e-ethes oreng
Ta’ gampang e-ethes oreng.
10. TONDHU’ MAJANG
Ngapote wa’lajarra etangale
Reng majang tantona lapadha mole
Mon tanggu dhari ambet pajalanna
Ma sebannya’a onggu le-ollena
O, mon ajelling odhi’na oreng majangan
Abantal omba’ sapo’ angen salanjangnga
Reng majang raja onggu babajana
Kabilang lako abandha nyabana.
11. MALATHE
Kembang malathe pote
bauna ro’om ngapencote
Gi’buru epetthek dhari taman sare
ropana cengngar tor assre
Bannya’ kembang sesae
ta’seddha’ akadi malathe
Menangka pangesto kaator kapottre
Seseddha’ akadi malathe.
12. TARESNA
Sanajjan bula jau ban dika
Ta’kera bula terros loppa’a
Edhalem ate teptep taresna
bila kerana setatemmowa
Sanajjan ebatesse sagara raja
Aba’ bula neptebbi janjina dika
Seang ban malem ate ta’ tremtem
Esabban are enga’ slanjangnga.
13. POTTRE MADURA
Raddin koneng Pottre Madura
Pajalanna neter kalenang
Edeng pandeng ta’ ambusenne
Palembayya meltas panjalin
Alos onggu tengka gulina
Nandha’agi tenggi darajadda
Adhu tretan kapencot ate
Mon nangale Pottre Madura
Tidak ada komentar:
Posting Komentar